Մեկ բնակարանում գրանցված է 101 քաղաքացի, այն էլ՝ Վրաստանի բնակիչներ

Facebook սոցցանցում օգտատերերից մեկը գրել է. «ժողովուրդ, շատ սենսացիոն բացահայտում... Սա, եթե պարզաբանում պահանջեք, կպարզաբանեն, թե վրիպում է տեղի ունեցել, իրականում... Ես հատ-հատ նայեցի մարդկանց անուն-ազգանունները, և ի զարմասն իս գտա իմ ազգանունով մարդ... Թամարյան Աիգազ Նոդարինի... Քանի որ Թամարյան ազգանունը եզակի է, և բոլորը մեր բարեկամներն են, պարզվեց, որ Թամարյան Աիգազը... Վրաստանի Նարդևան գյուղի բնակիչ ա... Այդ ցուցակը էլ ավելի մանրամասն նայելուց հետո տեսա, որ բոլոր այս 101-ը 1 բնակարանում իրականում Նարդևան գյուղից են... Իմ մամաս ծնունդով Վրաստանի Նարդևան գյուղից ա և ճանաչեց նույնիսկ իր դասարանցուն և շատ ու շատ մեր գյուղացիներին...»։ 

Իսկապես, 11/15 ընտրատեղամասի ընտրական ցուցակում կարելի է հայտնաբերել արտառոց երևույթ. մեկ բնակարանում գրանցված է 101 հոգի՝ Գարեգին Նժդեհ փողոցի 35-րդ շենքի 11-րդ բնակարան հասցեով: Պարզվում է, սակայն, որ վերոնշյալ հասցեում բնակվում է մեկ քաղաքացի: 

Թիվ 11 ընտրատարածքում մեծամասնական ընտրակարգով առաջադրվել են.

Բանուչյան Արշակ Ռուբիկի ՀԱԿ

Բիշարյան Հեղինե Վաչեի ՕԵԿ

Եղիազարյան Մանվել Վասիլի անկուսակցական

Մարգարյան Գրիգորի Սերյոժայի ԲՀԿ

Սմբատյան Կարեն Խաչիկի անկուսակցական