Մի բնակարանում 101 գրանցված քաղաքացիներից առնվազն 6-ը Վրաստանի Նարդևան գյուղի բնակիչ է

Լուրեր.com-ի աղբյուրները հայտնում են, որ 11/15 ընտրատեղամասի ընտրական ցուցակում Գարեգին Նժդեհ փողոցի 35-րդ շենքի 11-րդ բնակարան հասցեում գրանցված 101 քաղաքացիներից առնվազն 6-ը Վրաստանի Նարդևան գյուղի բնակիչներ են։ Մեր աղբյուրները հայտնում են, որ այդ տան վրա գրանցված մնացյալ քաղաքացիները հավանաբար կողքի գյուղի բնակիչներ են։ Ստորև ներկայացնում ենք վերոնշյալ վեց բնակիչների անունները՝

Այվազյան Գագիկ Սարոյի
Այվազյան Մամիկոն Միշիկի
Թամարյան Աիգազ Նոդարիի
Նազլույան Արթուր Սերժիկի
Նուրբեկյան Ալբերտ Գիմիկի
Նուրբեկյան Սասուն Հովաննեսի

ՀՀ Ոստիկանության մամլո խոսնակ Աշոտ Ահարոնյանը Լուրեր.com-ի հետ զրույցում ասաց, որ իրենք արդեն ստացել են ցուցակում առկա անճշտության մասին ահազանգ և այժմ զբաղված են ցուցակի ստուգման աշխատանքներով։