Մեծամասնական ընտրակարգով գրանցվել է 22 ինքնաբացարկ

Մայիսի 6-ին կայանալիք խորհրդարանական ընտրություններում մեծամասնական ընտրակարգով առաջադրված ընդհանուր առմամբ 181 թեկնածուներից այժմ մնացել են 157-ը: Ցուցակից դուրս է մնացել 22 անուն: Կրճատման պատճառը ինքնաբացարկներն են: 

Հիշեցնենք, որ թիվ 2 ընտրատարածքում ինքնաբացարկ են հայտնել Ալբերտ Սարգսյանը և Հայկ Հայրապետյանը,  7-ում՝ Րաֆֆի Հովհաննիսյանը, 11-ում՝ Էդուարդ Մադաթյանը, 14-ում` ինքնառաջադրված, ԲՀԿ-ական Ալեքսանդր Հակոբյանը, 17-ում Ջոնիկ Աբրահամյանը, 18-ում՝ Հենզել Առաքելյանը, թիվ 20 ընտրատարածքից՝ անկուսակցական Ատոմ Պետրոսյանը, 21-ում՝ Գագիկ Մարգարյանը, 22-ում՝ Վահագն Հակոբյանը, 21-ում՝ Գագիկ Մարգարյանը, 24-ում՝ Մասիս Մելքոնյանը, թիվ 26 ընտրատարածքում իր թեկնածությունը հանել է Հակոբ Հակոբյանը,  27-ում՝ Մանուկ Հակոբյանը, 29-ում՝ Գրիգոր Դանիելյանը,  30-ում՝ Սենիկ Էլվինյանը,31-ում՝ Սամվել Սամվելյանը,  թիվ 32-ից անկուսակցական Էդվարդ Չատինյանը,  թիվ 36-ից՝ ինքնառաջադրված անկուսակցական՝ Սուրիկ Գրիգորյանը, 37-ից՝ անկուսակցական Արտակ Սիսակյանը և թիվ 39 ընտրատարածքից՝ դաշնակցական Արտակ Սահակյանը, 40-ում՝ ինքնաբացարկ է հայտնել Երվանդ Չիլինգարյանը: