Ամբողջ ոստիկանությունը չի կարողանում գտնել պիտբուլի տիրոջը

Երեկ տեղի է ունեցել ՀԱԿ երիտասարդների դատավարությունը, որի ընթացքում դատարան չի բերվել այն վկան, որի վրա «կառուցվել» է այս քրեական գործը: Խոսքը պիտբուլի տիրոջ մասին է, ում իբր մոտեցել են ոստիկանները և դիտողություն արել, որից հետո այդ խոսակցությանը միջամտել են ՀԱԿ ակտիվիստները, որի պատճառով վիճաբանություն է ծագել ոստիկանների հետ և ՀԱԿ երիտասարդները բերման են ենթարկվել: Դատարանում պարզվեց, որ ՀՀ ոստիկանությունության ամբողջ համակարգը չի կարողանում հայտնաբերել և դատարան ներկայացնել ոչ «պիտբուլին», ոչ էլ  պիտբուլի վկա տիրոջը, որը, ըստ քրեական գործի, իբր հայտնի է Զաքար Զաքարյան ազգանունով: