Իրանի ռազմական նավատորմը 13 ծովահեն է ձերբակալել

Իրանի ռազմական նավատորմը Հնդկական օվկիանոսում ձեռնարկած գործողությունների արդյունքում ձերբակալել է 13 ծովահենի, որոնք հատուկ հումք տեղափոխող իրանական բեռնանավը գրավելու փորձ են կատարել, հաղորդում է իրանական Mehr լրատվական գործակալությունը։

Ձեռնարկված գործողությունների մասին այլ տեղեկություններ հայտնի չեն։ Հայտնի է միայն, որ բեռնանավն Իրան է տեղափոխելիս եղել ինչ–որ ապրանքատեսակի հումք։

Իրանի ռազմածովային ուժերի հրամանատարը հայտարարել է, որ ձերբակալված ծովահեններն արդեն տեղափոխվել են Իրան։