Հարփեր Լիի երկրորդ վեպը կհրատարակեն 25 երկրներում

Ամերիկացի կին գրող Հարփեր Լիի գործակալ Էնդրյու Նյուռնբերգը հայտնել Է, որ նրա երկրորդ վեպը՝ «Գնա՛ պահակ դիր» գործը, կհրատարակեն 25 երկրներում, ներառյալ Հարավային Կորեան, Չինաստանը և Թուրքիան, հաղորդում Է «Արմենպրես»-ը՝ հղում անելով Associated Press-ին:

Նախապես գործակալը տեղեկատվությունը հայտնել Էր Լոնդոնի գրքի տոնավաճառին:

Վեպն անգլերեն լույս կտեսնի այս տարվա հուլիսի 14-ին: Ըստ The Guardian թերթի տեղեկատվության՝ գրքի հրատարակման շուրջն անվտանգության միջոցներն այնքան լուրջ են, որ ապագա հրատարակիչները կարողացել են տեքստին ծանոթանալ սոսկ գործակալի՝ Լոնդոնի գրասենյակում:

Ավելի վաղ հրատարակվել Է Հարփեր Լիի միայն մեկ վեպը՝ «Սարյակ մի՛ սպանիր» ստեղծագործությունը: Դա տեղի Է ունեցել 1960 թվականին: «Գնա՛ պահակ դիր» վեպը գրվել Է ավելի շուտ, սակայն այդ մասին երկար ժամանակ հայտնի չի եղել լայն հասարակայնությանը:

Ինչպես նշում Է «Ինտերֆաքս»-ը, Հարփեր Լիի նոր գրքի հրատարակման մասին հայտնի Է դարձել փետրվարին: