Երևանում և Արարատի մարզում պլանային ջրանջատումներ կլինեն

«Գառնի-Երևան» ջրատարի վրա պլանային աշխատանքներով պայմանավորված՝ ապրիլի 17-ին՝ ժամը 09.00-ից մինչև ապրիլի 18-ը՝ ժամը 09.00-ն, կդադարեցվի Երևանի մի շարք վարչական շրջանների և Արարատի մարզի որոշ համայնքների ջրամատակարարումը: Ինչպես «Արմենպրես»-ին տեղեկացրին «Երևան Ջուր» ընկերությունից, կդադարեցվի, մասնավորապես, Երևանի Կենտրոն վարչական շրջանի Օստրովսկու, Բուռնազյան, Միչուրին, Լիսինյան, Գլինկա, Երկաթգծի, Աճեմյան, Սևանի, Ծխախոտագործների, Ծատուրյան փողոցների և նրբանցքների, Տիգրան Մեծի նրբանցքի, Ալեք Մանուկյան 17, Տիգրան Մեծի 12-80, Նար-Դոսի 1-40, Քրիստափորի 1-15, Խորենացու 28-ից բարձր համարների ու հարակից տարածքների, Էրեբունի վարչական շրջանի' բացառությամբ' Արին-Բերդի փողոցի և նրբանցքների, Արցախի պողոտայի և Նուբարաշեն վարչական շրջանի ջրամատակարարումը:

Կդադարեցվի նաև Շենգավիթ վարչական շրջանի Գ.Նժդեհի, Արշակունյաց, Շահամիրյան, Ֆրունզեի, Ս. Սարգսյան, Մայիսի 9-ի, Մխչյան, Վերին Շենգավիթի 1-ին, 2-րդ փողոցների, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի փողոցների ու նրբանցքների, Չեխովի 1-21, Բագրատունյաց 41-ից բարձր համարների, Ներքին Շենգավիթ թաղամասի և հարակից տարածքների, Նոր Խարբերդի այգեգործական թաղամասի, ինչպես նաև Արարատի մարզի Բարձրաշեն, Դիտակ, Ջրաշեն, Նոր Խարբերդ համայնքների և ան միջապես ջրատարից սնվող մյուս տարածքների ջրամատակարարումը:

Էրեբունի և Շենգավիթ վարչական շրջաններում ապրիլի 17-ին՝ ժամը 18:00-20:00-ն, կիրականացվի գրաֆիկով ջրամատակարարում: