Ջակոմետիի արձանը 130 մլն դոլարով ծրագրում են վաճառել Նյու Յորքի աճուրդում

Իտալացի քանդակագործ Ալբերտո Ջակոմետիի «Մատնացույց անող մարդը» գործը մայիսին աճուրդի կհանվի Նյու Յորքում և կարող Է վաճառվել 130 միլիոն դոլարով, ինչն այն կդարձնի ամենաթանկ քանդակը, որը երբևԷ վաճառվել Է աճուրդում:

Ինչպես տեղեկացնում Է «Արմենպրես»-ը՝ հղում անելով Reuters գործակալությանը, 1947 թվականի «Մատանցույց անող մարդը» 180-սանտիմետրանոց բրոնզե քանդակն աճուրդի պատմության մեջ երկրորդ լոտն Է, որը նախնական գնահատմամբ 100 միլիոն դոլարից ավելի արժե: Առաջինը դարձել Է Պիկասոյի «Ալժիրցի կանայք» (Տարբերկա Օ) ("Les femmes d'Alger (Version "O") նկարը, որը գնահատվել Է 140 միլիոն դոլար և այս պահին վաճառված չԷ:

Եթե աճուրդային տան ակնկալիքներն արդարանան, «Մատնացույց անող մարդը» կգերազանցի Ջակոմետիի «Քայլող մարդը l» (L'Homme qui marche I) մյուս քանդակի ռեկորդը: 2010 թվականին այն Christie's աճուրդում վաճառվել Է 104 միլիոն դոլարով:

Ալբերտո Ջակոմետին XX դարի հայտնի քանակագործ Է և նկարիչ, 30 – 40-ական թվականների փարիզյան բոհեմի սիրեցյալը, հաղորդել Է ՌԻԱ Նովոստին: