«168 ժամ». 31 միլիարդ դրամ շահույթ՝ դրամի արժեզրկման արդյունքում

ՀՀ Կենտրոնական բանկը 2014 թվականը փակել է 31 միլիարդ 844.3 միլիոն դրամ շահույթով։ Այս մասին տեղեկանում ենք ՀՀ ԿԲ 2014թ. համախմբված ֆինանսական հաշվետվությունից։ Համեմատության համար նշենք, որ 2013 թվականը Կենտրոնական բանկը փակել էր 10.7 միլիարդ դրամ վնասով: Գրում է «168 ժամ»-ը:

Ինչպես երևում է համախմբված շահույթի կամ վնասի և այլ համապարփակ ֆինանսական արդյունքի մասին տվյալներից՝ ԿԲ շահույթի մեծ մասը գոյացել է փոխարժեքի տատանումից։ Մասնավորապես, ՀՀ Կենտրոնական բանկը 30 միլիարդ 384 միլիոն դրամի եկամուտ է ստացել փոխարժեքային տարբերություններից։ Եվս 5.5 միլիարդ դրամի եկամուտ ունեցել է ածանցյալ գործիքներից։

2014 թվականի դեկտեմբերի 31-ի դրությամբ՝ ԿԲ ակտիվների մեծությունը կազմել է 18.2 միլիարդ դրամ՝ 2013 թվականի դեկտեմբերի 31-ի 5.57 միլիարդ դրամի դիմաց։ Կբ սեփական կապիտալը նախորդ տարվա վերջին կազմել է 30.9 միլիարդ դրամ:

Շարունակությունը` թերթի այսօրվա համարում: