Հայրենական պատերազմի մոսկովյան թանգարանում բացվել է Հայոց ցեղասպանության հարյուրամյակի ժամանակավոր ցուցադրություն

Հայրենական մեծ պատերազմի կենտրոնական թանգարանում տեղի ունեցավ Հայոց ցեղասպանության հարյուրամյակին նվիրված հիշատակի երեկո: Միջոցառմանը մասնակցում էին Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը, Ռուսաստանի Դաշնության նախագահի աշխատակազմի, Մոսկվայի կառավարության, կրոնական համայնքների և հոգևորականության ներկայացուցի չներ, հասարակական գործիչներ:

Միջոցառման ընթացքում կայացավ «Հայոց ցեղասպանությունը և ռուսական արձագանքը» ժամանակավոր ցուցադրության հանդիսավոր բացումը, որտեղ ներկայացված են Հայոց ցեղասպանության վերաբերյալ պատմական նյութեր: Ցուցադրությունը գործելու է ապրիլի 20-ից 24-ը՝ թանգարանի շենքում: Հայոց ցեղասպանության թանգարան- ինստիտուտի կողմից պատրաստված այս ցուցադրությունն անդրադառնում է Հայոց ցեղասպանության նախորդ տարիներին և դրանից հետո ռուսական հասարակական-քաղաքական և մտավորական շրջանակների արձագանքին:

Առաջին անգամ ժամանակավոր ցուցադրության ձևաչափով շրջանառության մեջ են դրվել վավերագրական և լուսանկարչական նյութեր, որոնք մեկտեղում են Հայոց ցեղասպանության հետ ուղղակի կապ ունեցող այս կարևոր փաստը: Ցուցադրությունը կազմված է 25 պաստառից: Ցուցադրությունը կունենա նաև պատկերագիրք:

Ցուցադրության հիմնական թեմաներն են ռուս-հայկական հարաբերությունների պատմությունը, երկու երկրների մշակութային կապերը, Ռուսաստանի և ռուս հասարակության արձագանքը Օսմանյան կայսրությունում հայ ժողովրդի հանդեպ կատարվող ոճրագործությանը: Առանձն ահատուկ ուշադրության են արժանացել Առաջին համաշխարհային պատերազմի ժամանակ Հայոց ցեղասպանությանն ականատես դարձած ռուս զինվորների և Կովկասյան ճակատի սպաների վկայությունները, որոնք նաև օգնություն են ցուցաբերել հայ փախստականներին: Նրանց փրկության գործում մեծ դեր են ունեցել նաև ռուսական և միջազգային մարդասիրական կազմակերպությունները: Ցուցադրությունը ներկայացնում է արևմտահայ փախստականների ճակատագիրը, որոնք մասնակցել են Առաջին համաշխարհային պատերազմին, ապա նաև Մեծ հայրենական պատերազմին:

«Հայ ժողովրդին միավորում են ք րիստոնեական արժեքները, բարության, արդարության և մարդկային արժանապատվության գաղափարները: Մենք հավատում ենք, որ կյանքը պետք է ազատ և խաղաղ լինի: Եվ, իհարկե, մեզ միավորում են անմեղ զոհերի հիշողության ցավը: Այս կարևորագույն թանգարանում կազմակերպված ցուցադրությունը հիշեցնում է մեզ մեր ժողովուրդների մտերմության մասին, այն երախտագիտության նշան է Ռուսաստանին՝ հայ փախստականների փրկությանը մասնակցելու համար: Ցուցադրությունը կօգնի պատմել Հայոց ցեղասպանության ողբերգության մասին և դրանով կանխել նմանատիպ հանցագործությունների կրկնությունը», - նշեց Երզաս արքեպիսկոպոս Ներսիսյանը:

Միջոցառման ընթացքում ներկաները ծաղիկներ դրեցին հայերի ցեղասպանության զոհերի հիշատակին: 1915 - 1923 թթ. ընթացքում Օսմանյան կայսրության տարածքում ապրող 2 միլիոն հայերից ավելի քան 1.5 միլիոնը զոհվեցին:

Հայոց ցեղասպանության հիշատակի օրը ապրիլի 24-ն է: Հիշատակի օրվա նախօրյակին Հայ Առաքելական Եկեղեցու Ռուսաստանի և Նոր Նախիջևանի թեմի աջակցությամբ Մոսկվայում տեղի կունենան մի շարք միջոցառումներ: