Արքայազն Ուիլյամն արձակուրդ է գնացել, որպեսզի կնոջ հետ լինի երեխայի ծնվելուն սպասելիս
Հասարակություն
Մեծ Բրիտանիայի արքայազն Ուիլյամը «շտապ օգնության» ուղղաթիռի օդաչուի աշխատանքի նախապատրաստության առաջին փուլն ավարտելուց հետո որոշել Է ընդմիջում տալ, որպեսզի լինի կնոջ՝ Քեյթի հետ, որն ուր որ Է երկրորդ երեխան Է ունենալու, տեղեկացնում Է «Արմենպրես»-ը:
Եղիսաբեթ Բ-ի հերթական ծոռան ծնունդն սպասվում Է օր-օրի: Արդեն անցյալ շաբաթ Լոնդոնի Փադինգթոնի շրջանի Սուրբ Մարիամի հիվանդանոցի մասնավոր թևի մուտքի մոտ արգելված Է կայանումը, և հայտնվել են նշում՝ հեռուստախցիկների և լուսանկարիչների տեղերի բաշխմամբ և հատուկ արգելափակոց զանգվածային լրատվամիջոցների ներկայացուցիչների համար:
«Քեմբրիջի արքայազնը շտապ օգնության օդաչուի աշխատանքի նախապատրաստության առաջին փուլն ավարտել Է ավելի շուտ, քան պլանավորվել Էր»,- հայտնել Է Քենսինգթոնի պալատի ներկայացուցիչը: Նրա խոսքով՝ «Ուիլյամը նախապատրաստությունը կշարունակի այն բանից հետո, երբ վերադառնա երեխայի ծնվելու կապակցությամբ արձակուրդից»:
Ինչպես ավելի վաղ հայտնել Է դքսուհի Քեյթն ինքը, նոր արքայազնը կամ արքայադուստրը լույս աշխարհ կգա ապրիլի երկրորդ կեսին: Երեխայի սեռը, քաշը և ծնվելու ժամանակը Քենսինգթոնի պալատը կհրապարակի այն բանից հետո, երբ Ուիլյամը և Քեյթն ուրախալի լուրը կհայտնեն թագուհուն և մյուս հարազատներին, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
