Մոսկվայում բացվել է Հայաստանի ազգային մշակույթի թանգարանը

Մոսկվայում Հայ Առաքելական եկեղեցու համալիրի տարածքում ապրիլի 22-ին բացվել Է Հայաստանի ազգային մշակույթի թանգարանը, որն ամենախոշոր թանգարանային համալիրն է Հայաստանի սահմաններից դուրս, տեղեկացնում Է «Արմենպրես»-ը՝ հղում անելով ՌԻԱ Նովոստիին:

Թանգարանի բացումը նվիրված է հայերի ցեղասպանության 100-րդ տարելիցին: Բացման հանդիսավոր արարաղությանը ներկա են եղել ՌԴ-ում Հայաստանի դեսպան Օլեգ Եսայանը, Ռուսաստանի հրեական կոնգրեսի ղեկավար Յուրի Կանները, Սուրբ Աթոռի դեսպանորդ Իվան Յուրկովիչը, Ռուսաստանի հրեական կրոնական համայնքների և կազմակերպությունների կոնգրեսի ղեկավար Ադոլֆ Շաևիչը:

Այս րոպեից աշխարհը ձեռք Է բերում մեր ընդհանուր հիշողության ևս մեկ պահոց: Այսօրվա իրադարձությունը ոգու և հավատքի հաղթանակի ևս մեկ փառավոր ապացույցն Է»,-արարողությանն ասել Է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը:

Իր հերթին ռուս ռեժիսոր և Պետդումայի մշակույթի կոմիտեի ղեկավար Ստանիսլավ Գովորուխինն իր ելույթում նշել Է, որ հայերը «շատ հին, տաղանդավոր, մշակութային ազգ են, որի մասին մենք, թվում Է, ամեն ինչ գիտենք, բայց իրականում շատ քիչ բան գիտենք: Ուստի մենք երախտապարտ ենք Հայաստանի պատմությանն ու մշակույթին ավելի մոտիկից ծանոթանալու մոսկվացիներին և մայրաքաղաքի հյուրերին ընձեռված հնարավորության համար:

Կազմակերպիչների տեղեկատվության համաձայն՝ թանգարանի ընդհանուր մակերեսը կազմում Է շուրջ 2 հազար քառակուսի մետր: Ինը ցուցասրահներ միմյանց միացած են ըստ թանգարանի ընդհանուր հայեցակարգի, որը հիմնված Է ինքնաոչնչացման դեմ պայքարի գաղափարի վրա: Տարբեր ցուցադրանքներ, որոնք այցելուներին ներկայացված են ինչպես ցուցահանդեսի դասական տարբերակով, այնպես Էլ ինտերակտիվ տեխնոլոգիաների օգտագործմամբ, ներկայացնում են հայ ժողովրդի պատմությունը, վերականգնում տարբեր դարաշրջանների հայերի կենցաղը:

Դիմանկարներ ցուցադրանքում ներկայացված են այն հայերի լուսանկարները, որոնք ցեղասպանության զոհ են դարձել, և այն մարդկանց, ում հաջողվել Է փրկվել ու պահպանել զոհվածների հիշատակը: Առանձին կարելի Է ծանոթանալ հայ հեղինակների երաժշտությանն ու պոեզիային: