Պուտինը և Օլանդը Երևանում կքննարկեն Մինսկի պայմանավորվածությունների կատարումը
Հայաստան
ՌԴ-ի նախագահի օգնական Յուրի Ուշակովը հաստատել է, որ ապրիլի 24-ին Երևանում կկայանա ռուսական պետության ղեկավար Վլադիմիր Պուտինի հանդիպումը Ֆրանսիայի նախագահ Ֆրանսուա Օլանդի հետ: Նա կանխատեսում է, որ գլխավոր թեմաներից մեկը կդառնա Ուկրաինայում ստեղծված իրադրությունը, տեղեկացնում է «Արմենպրես»-ը՝ հղում անելով ՏԱՍՍ-ին:
Ուշակովի խոսքով՝ նաև քննարկվելու է Մերձավոր Արևելքի իրադրությունը, ինչպես նաև ՌԴ-ին «Միստրալ» ուղղաթիռակիրների մատակարարումը: «Ես ելնում եմ այն բանից, որ «Միստրալների» թեման կարող է շոշափվել Երևանում կայանալիք բանակցությունների ժամանակ, այնտեղ կան քննարկման նաև այլ շատ հարցեր, ամենից առաջ՝ Ուկրաինան»,- ասել է Ուշակովը:
«Մեզ համար շատ կարևոր է, որ կատարվեն «Մինսկ-2»-ի բոլոր պայմանավորվածությունները. ոչ միայն այն ասպեկտները, որոնք վերաբերում են անվտանգությանը, այլև նրանք, որոնք վերաբերում են քաղաքական և սոցիալ-տնտեսական խնդիրներին»,- ընդգծել է Կրեմլի ներկայացուցիչը:
Նրա կածիքով՝ «դրա համար, ըստ մեզ, հարկավոր է, արագորեն գործարկել չորս ենթախմբերի աշխատանքը, որոնց շուրջ պայմանավորվածություն է ձեռք բերվել նույն Մինսկում»: «Մենք պատրաստ ենք դրան»,- հավաստիացրել է Ուշակովը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
