Մոսկվայում բացվել է Հայաստանի սահմաններից դուրս ամենամեծ Հայկական թանգարանը (տեսանյութ)

Մոսկվայում բացվել է Հայաստանի սահմաններից դուրս ամենամեծ Հայկական թանգարանը` փոխանցում է tvkultura.ru-ն: Բացումը տեղի է ունեցել Հայոց ցեղասպանության 100-րդ տարելիցից 2 օր առաջ: Նոր թանգարանը գտնվում է Հայ Առաքելական եկեղեցու տարածքում: 5 սրահներում ներկայացված են ազգային հագուստներ, կենցաղային իրեր և պատմություններ` Հայոց ցեղասպանության մասին:

Առաջինը, որ աչքի է զարնում, հսկայական գլոբուսն է: Պատմություն` ամփոփված լայնություններում և երկայնություններում:

Այդ սրահում սպանված և կտտանքների ենթարկված մարդկանց անուններ են: Նրանք հազարավոր են: Այն ամենը, ինչ հաջողվել է վերականգնել արխիվային փաստաթղթերից:

«Այս թանգարանով մենք ուզում ենք ասել, թե ինչ կարող է ապրել մարդկությունը, երբ բացակայում է միմյանց հանդեպ սերը: Մենք ուզում ենք ասել, որ՝ այո, հանուն հավատի հայ ուղին եղել է փշոտ, ծանրլ: Եվ այդ ժողովուրդը բազմիցս խաչվել է: Բայց մենք իմացել ենք մեր հավատի արժեքը»,- ասել է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ, եպիսկոպոս Եզրաս Ներսիսյանը:

Նոր ինտերակտիվ տիրույթում կպատմեն ոչ միայն Ցեղասպանության մասին: Այնտեղ պետք է լինի Հայաստանի պատմությունը` «Ա»-ից մինչև «Ֆ»:

«Զարմանալի բան է: 100 տարի այդ իրադարձությունները, ողբերգական իրադարձությունները ինչ-որ հրաշալի ձևով անցնում են սենդեսերունդ: Այդ զգացմունքներն անցել են հորիցս ինձ: Ես հիմա տեսնում եմ, որ ինձնից անցել են որդուս»,- ասել է թանգարանի նախաձեռնող և ստեղծող Ռուբեն Գրիգորյանը:

Ազգային հագուստներ, հայերի կենցաղային իրեր, հնագիտական գտածոներ. թանգարանը ստեղծել են 4 ամսում: Եվ խոստանում են` հավաքածուն դեռ կհամալրվի:

Տեսանյութը՝ դիտել այստեղ: