Օզբիլիսը կտուգանվի՝ Յակինին քննադատող հարցազրույցի համար

Sovsport.ru-ի տեղեկությունների համաձայն՝ Հայաստանի հավաքականի և Մոսկվայի «Սպարտակի» կիսապաշտպան Արաս Օզբիլիսը կտուգանվի հարցազրույցի համար, որում քննադատել է թիմի գլխավոր մարզիչ Մուրատ Յակինին:

Տուգանքի չափը հայտնի կդառնա այսօր:

Հիշեցնենք, որ Յակինը ֆուտբոլիստին հեռացրել է հիմնական թիմից և ուղարկել մոսկովյան ակումբի երկրորդ թիմ:

Հարցազրույցում Օզբիլիսը նշել է, որ ինքն արդեն ապաքինվել է, չնայած ակումբը հայտարարում է, որ ինքը դեռ վնասվածք ունի: