Մի քանի գոլ էլ թողել ենք «Բավարիայի» համար. Սուարեսը՝ 6:0 հաշվով հաղթանակից հետո

Կատալոնական «Բարսելոնայի» հարձակվող Լուիս Սուարեսը մեկնաբանել է Պրիմերայի 33-րդ տուրում «Խետաֆեի» նկատմամբ 6:0 հաշվով հաղթանակը:

«Բոլորը կարող էին տեսնել, թե ինչ մարզավիճակում է «Բարսելոնան»: Կարծում եմ՝ այժմ մենք ունակ ենք հաղթել աշխարհի յուրաքանչյուր ակումբի: Հաղթանակները մեզ վստահություն են տալիս: Մեզ շուտով սպասվում են շատ պատասխանատու խաղեր Չեմպիոնների լիգայի կիսաեզրափակչում՝ Մյունխենի «Բավարիայի» դեմ: Գիտենք, որ պետք է բոլորովին այլ մակարդակի խաղանք, սակայն համոզված եմ, որ մի քանի գոլ էլ թողել ենք գերմանական ակումբի համար: Չնայած մրցաշրջանը մոտենում է ավարտին՝ մենք շատ ուժ ունենք»,- ֆուտբոլիստի խոսքը մեջբերում է goal.com-ը: