«Ժողովուրդ». Գագիկ Ծառուկյանը «ժողով» է հրավիրել, Աբովյանի քաղաքապետի ընտրություններում իր թեկնածուին ներկայացնելու համար

Երեկ «Ժողովուրդ»-ը տեղեկություններ էր ստացել, որ ԲՀԿ նախկին առաջնորդ Գագիկ Ծառուկյանը հանդիպում է ունենալու աբովյանցիների հետ՝ Աբովյանի քաղաքապետի ընտրություններում իր թեկնածուին ներկայացնելու համար:

Թերթի տեղեկություններով՝ «ժողովին» հրավիրվել էին այն մարդիկ, որոնք իրենց «թաղերում» կարող են ձայն «հավաքել»՝ «լույսի մարդուց» մինչև «ժեկի» աշխատող: Սակայն մեկ ժամ հետո Գ. Ծառուկյանի «թեկնածու» Վահագն Գևորգյանը հավաքվածներին տեղեկացրել էր, թե Ծառուկյանը շտապ գործ ունի և չի կարող ներկայանալ հանդիպմանը:

Եվ այսպես, «Ժողովուրդ»-ը տեղեկացավ, որ հանդիպումը տեղի էր ունենալու Աբովյանում՝ ԲՀԿ-ի նախկին կենտրոնական գրասենյակում: Մինչ այդ, սակայն, Ծառուկյանը հանձնարարել է, որ գրասենյակի «պատից» հանեն ԲՀԿ-ի ցուցանակը և «մաքրեն» բոլոր այն պաստառները, որոնք հիշեցնում են ԲՀԿ-ի մասին: Երեկ «Ժողովուրդ»-ն արձանագրեց, որ Ծառուկյանի հրահանգը կատարվել է. բոլոր ցուցանակները հանված էին:

Արդեն ժամը 14:30-ին գրասենյակ էին գալիս տարբեր տարիքի ու սեռի մարդիկ, տարբեր մեքենաներով: Որոշ ժամանակ հետո գրասենյակ եկավ նաև Գ. Ծառուկյանի ՙհովանավորյալը՚' Վահագն Գևորգյանը: Նա անմիջապես նկատեց լրագրողներին, որոնք հավաքված սպասում էին Գ. Ծառուկյանի գալուն: Ուղիղ մեկ ժամ անց «Ժողովուրդ»-ը նկատեց, որ հավաքվածները գրասենյակից հեռանում են: Նրանցից մի քանիսը «Ժողովուրդ»-ին տեղեկացրին, որ իրենց ասել են' առայժմ գնացեք. «Ասեցին՝ Ծառուկյանը շտապ գործ ա ունեցել ու գնացել ա ըտեղ, ասեցինª գնացեք, հետո կզանգենք ձեզ, օր, ժամ կասենք, կգաք»,-մեզ հետ զրույցում ասաց մի պապիկ, որը շտապ գրասենյակից հեռացավ»:

Շարունակությունը՝ թերթի այսօրվա համարում: