Business Insider-ը «Մայր հայրենիքն Է կանչում» հուշարձանը հանել Է անհեթեթ կառույցների ցուցակից

Ամերիկյան Business Insider հրատարակությունը «Մայր հայրենիքն Է կանչում» հուշարձանը հանել Է խորհրդային դարաշրջանի ամենաանհեթեթ կառույցների ցուցակից: Դրան նախորդել Է ռուսաստանցիների խիստ քննադատությունը, տեղեկացնում Է «Արմենպրես»-ը:

«Մայր հայրենիքն Է կանչում» հուշարձանը վարկանիշը կազմողներին դուր չի եկել իր չափով. նշվել Է, որ դրա բարձրությունը գրեթե կրկնակի մեծ Է Ազատության արձանից: Հանված հուշարձանը ցուցակում փոխարինել են Կիևի «Սալյուտ» հյուրանոցով:

Ապրիլի 29-ին կազմված վարկանիշ են մտել նաև «Հեղափոխության հուշարձանը» Խորվաթիայում, Քիշնևի կրկեսի շենքը, Մոսկվայում Սովետների պալատի՝ չիրականացված նախագիծը և այլ կառույցներ:

«Մայր հայրենիքն Է կանչում» հուշարձանը Վոլգոգրադի Մամաև կուրգանում կանգնեցված «Ստալինգրադյան ճակատամարտի հերոսների» համակառույց հուշարձանի կոմպոզիցիոն կենտրոնն Է: Եվգենի Վուչետիչի գործը համարվում Է աշխարհում ամենաբարձր արձաններից մեկը, դրա բարձրությունը 85 մետր Է: