Կոբզոնը երևանյան բեմում շնորհավորել է Աշխատավորների օրը
Գիտություն և Մշակույթ
Ալեքսանդր Սպենդիարյանի անվան Օպերայի և բալետի ազգային ակադեմիական թատրոնում մայիսի 1-ին տոնական համերգով են արժանին մատուցել աշխատավորներին' նրանց տոնի առիթով: Հանդիսությանը մասնակցել է ՀՀ Նախագահ Սերժ Սարգսյանը: «Արմենպրես»-ի փոխանցմամբ, համերգի մեկնարկին ցուցադրվել է փոքրիկ տեսանյութ, որը պատմում էր «Գրանդ հոլդինգ» ընկերության գործունեության մասին:
«Գրանդ Մաստեր» ՍՊԸ-ի տնօրեն Միքայել Հարությունյանը, ով այսօր ՀՀ Նախագահի կողմից պարգևատրվել է «Աշխատանքային վաստակի համար» մեդալով, ասաց, որ կազմակերպությունում գտել է հայրենասիրության, պետականության բարձր գիտակցում, աշխատակիցների հանդեպ խստապահանջություն և միաժամանակ հոգատարություն: «Այս ամենի շնորհիվ «Գրանդ հոլդինգը» հիշեցնում է մեծ ընտանիք: Պարոն Նախագահ, դուք այսօր պարգևատրել եք մի մարդու, ում աշխատանքային ողջ կենսագրությունը կապված է «Գրանդ հոլդինգի» հետ: Թույլ տվեք իմ և ողջ կազմակերպության անունից շնորհակալության հայտնել ձեզ այս պատվի համար»,- ասաց նա:
Համերգին հնչել են գործարար Հրանտ Վարդանյանի սիրելի ստեղծագործությունները էստրադային երգիչների և Հայաստանի հանրային ռադիոյի էստրադային սիմֆոնիկ նվագախմբի կատարմամբ: Համերգին երգել է նաև ՌԴ ժողովրդական արտիստ Իոսիֆ Կոբզոնը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
