ՄԱԿ-ում բացվում է Հայրենական մեծ պատերազմին նվիրված ֆիլմերի փառատոնը

Ժնևում ՄԱԿ-ի բաժանմունքում մայիսի 4-ին բացվում է Հայրենական մեծ պատերազմի մասին ֆիլմերի փառատոնը՝ նվիրված Մեծ հաղթանակի 70-րդ տարեդարձին: Ինչպես տեղեկացնում է «Արմենպրես»-ը, հղում անելով ՏԱՍՍ-ին, մինչեւ մայիսի 8-ը Ազգերի պալատի կինոսրահում կցուցադրվեն կինեմատոգրաֆի դասականներ դարձած «Թռչում են կռունկները» (195 7), «Մարդու ճակատագիրը» (1959), «Նրանք մարտնչում էին հայրենիքի համար» (1975), գեղարվեստական ժապավենները, «Սովորական ֆաշիզմ» նշանավոր վավերագրական ֆիլմը, ինչպես նաեւ վերջին տարիներին թողարկված ֆիլմեր, այդ թվում՝ «Սպիտակ վագրը», «Բրեստի ամրոցը», «Ստալինգրադ» եւ «Մշուշում»:

Կինոփառատոնն անցկացվում է Բելառուսի եւ Ռուսաստանի նախաձեռնությամբ: Դրա հանդիսավոր բացմանը ելույթ կունենան ՄԱԿ-ի բաժանմունքին եւ Ժնեւում միջազգային այլ կազմակերպություններին առընթեր Ռուսաստանի մշտական ներկայացուցիչ Ալեքսեյ Բորոդավկինը, Բելառուսի նրա պաշտոնակից Միխայիլ Խվոստովը, ՄԱԿ-ի Ժնեւի կենտրոնակայանի գլխավոր տնօրենի պաշտոնակատար Միքայել Մելլերը: