««Արտ Ֆեստը» երիտասարդների համար լայն հնարավորություն է տարբեր ասպարեզներում բացահայտվելու». Դավիթ Հակոբյան
Գիտություն և Մշակույթ
Այս օրերին կազմակերպվում է ամենամյա «Արտ Ֆեստ» երիտասարդական հանրապետական երրորդ բաց փառատոնը՝ «Մեկ տանիքի ներքո» խորագրով։
«Արտ Ֆեստը» նպատակ ունի խթանելու երիտասարդական ստեղծագործական մթնոլորտի զարգացումը, ընդլայնելու մասնագիտական համագործակության շրջանակը, փորձի փոխանակման արդյունքում կատարելագործելու երիտասարդ արվեստագետների մասնագիտական հմտությունները, բացահայտելու նոր անուններ և տարվա ստեղծագործական ձեռքբերումները:
ԱՐՏ ՖԵՍՏ 2015 երիտասարդական հանրապետական երրորդ բաց փառատոնի բացումը տեղի կունենա մայիսի 11-ին՝ 19.00-ին՝ ԵԹԿՊԻ Ուսանողական թատրոնում՝ «Մեկ թագավորի թատրոն» պիեսի բեմադրությամբ:
«Արտ Ֆեստ» փառատոնի մասնագիտական հանձնախմբի անդամ, ՀՀ վաստակավոր արտիստ Դավիթ Հակոբյանը շնորհավորել է փառատոնի բոլոր մասնակիցներին և իր տեսակետը հայտնել կազմակերպված փառատոնի վերաբերյալ.
«Արտ Ֆեստը» լայն հնարավորություն է տարբեր ասպարեզներում երիտասարդներին բացահայտվելու և ճանաչողության հասնելու համար: Իմ խորին համոզմամբ՝ արվեստը, նամանավանդ՝ թատերական արվեստը, երիտասարդական ավյունի արվեստ է: Բոլորին ցանկանում եմ հաջողություն և հետաքրքիր օրեր», - ասել է Դավիթ Հակոբյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
