«73-ամյա Գոհար Ենոքյանը ձերբակալվել է Յուվեցի Կարոյի սպանության նախապատրաստության կասկածանքով»
Հայկական Մամուլ
Երեկ երեկոյան ձերբակալվել և էրեբունու ոստիկանության ժամանակավոր պահման մեկուսարան է տեղափոխվել ԲՀԿ-ական նախկին պատգամավոր Գոհար Ենոքյանը, ով ԲՀԿ նախկին նախագահ Գագիկ Ծառուկյանի մոր մտերիմ ընկերուհին է։ Գրում է «ՀԺ»-ն:
73-ամյա Ենոքյանի փաստաբան Գեղամ Հակոբյանը «ՀԺ» թղթակցին հայտնել է, որ Ենոքյանը ձերբակալվել է Աժ պատգամավոր, նախկին ԲՀԿ-ական Կարո Կարապետյանի Յուվեցի Կարոյի սպանության նախապատրաստության կասկածանքով։ «Հորինված վարկած է, որտեղ որևէ հիմք և իրական փաստ չկա»,– մեր թղթակցին ասել է տիկին Ենոքյանի փաստաբանը։
Հարցին՝ իսկ կա՞ որևէ հիմնավորում կամ վարկած, թե ինչու պետք է Գոհարիկ Ենոքյանը նախապատրաստեր Յուվեցի Կարոյի սպանությունը, փաստաբանը պատասխանել է. «Ո՜չ»։ Ուշ երեկոյան ՁՊՎ-ամ Ենոքյանին է այցելել ԲՀԿ նախագահ Նաիրա Զոհրաբյանը, ով մեզ հայտնեց. որ Ենոքյանը շատ բարձր ճնշում ուներ, գտնվում էր բժիշկների հսկողության տակ։ Զոհրաբյանը չի կարծում, որ Ենոքյանին ձերբակալելը ճիշտ որոշում է և անպայման դիմելու են նրան ազատ արձակելու պահանջով։ Հատուկ քննչական ծառայությունից, որտեղ քննվում է սույն քրեական գործը, մինչև ուշ գիշեր որևէ պարզաբանում այդպես էլ չտվեցին:
Շարունակությունը՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
