«Ժողովուրդ». Սերժ Սարգսյանի մոսկովյան այցի ժամանակ կհստակեցվի ՀԷՑ-ի ճակատագիրը. գլխավոր տնօրենը մեկնել է Մոսկվա

«Ժողովուրդ»-ի տեղեկություններով՝ «Հայաստանի էլեկտրական ցանցեր» ընկերության գլխավոր տնօրեն Եվգենի Բիբինն այս շաբաթվա սկզբին մեկնել է Մոսկվա: Նախատեսվում է, որ Մոսկվայում, երբ այնտեղ կժամանի նաև Սերժ Սարգսյանը, վերջնականապես պետք է որոշվի, թե, ի վերջո, որքան պիտի բարձրանա սպառողին մատակարարվող էլէներգիայի սակագինը՝ վեց դրամ մեկ կիլովատը, թե տասը դրամ:

Թերթի տեղեկություններով՝ ՀԷՑ-ի մասնագետները սակագնի թանկացման երկու հայտ են պատրաստել, որոնցից մեկը հաշվարկված է վեց դրամի թանկացման համար, մյուսը՝ տասը: Սերժ Սարգսյանի՝մոսկովյան այցի ժամանակ, որը նախատեսված է մայիսի 8-9-ը, «Ժողովուրդ»-ի տեղեկություններով, վերջնականապես կհստակեցվեն ՀԷՑ-ի հետագա ճակատագրի հետ կապված բոլոր հարցերը: Ըստ այդմ, էլէներգիայի սակագինը բարձրացնելու հայտը ՀՀ հանրային ծառայությունները կարգավորող հանձնաժողովին կներկայացվի կա՛մ ուրբաթ օրը՝ մայիսի 8-ին, կա՛մ էլ եկող շաբաթվա սկզբին:

Շարունակությունը՝ թերթի այսօրվա համարում: