«Թանգարանային գիշերը» թանգարանները բաց կլինեն մինչև կեսգիշեր

Մայիսի 16-ին՝ «Թանգարանային գիշեր» ծրագրի շրջանակում, հանրապետության բոլոր 110 թանգարաններն անվճար բաց կլինեն մինչև ժամը 24:00-ն:

Այդ մասին ՀՀ կառավարության նիստում հայտարարեց ՀՀ մշակույթի նախարարի տեղակալ Արև Սամուելյանը: Միաժամանակ, փոխնախարարը տեղեկացրեց, որ մայիսի 18-ին՝ թանգարանների միջազգային օրը, աշխատելու են երկրի բոլոր թանգարանները մինչև ժամը 18:00-ն: Սովորաբար երկուշաբթի օրերին Հայաստանում թանգարանները չեն գործում: