Երբ հայտարարվեց հեռանալուս մասին, «Ակտոբեի» երկրպագուները ծափահարություններով ճանապարհեցին. Արզումանյան
Սպորտ
Հայաստանի ազգային հավաքականի պաշտպան Ռոբերտ Արզումանյանը, ով «Ակտոբեից» տեղափոխվել է «Ամկար», ակումբի պաշտոնական կայքի թղթակցի հետ ծավալուն հարցազրույց է ունեցել:
Արզումանյանը, խոսելով տեղափոխության մասին, նշել է.
«Վաղուց էի ցանկանում ուժերս փորձել Ռուսաստանի առաջնությունում, այդ պատճառով էլ, երբ իմացա, որ Պերմում ինձանով հետաքրքրված են, չվարանեցի: «Ամկարը» լավ հեղինակություն ունի, իսկ Ռուսաստանի առաջնության մակարդակն, իհարկե, ավելի բարձր է, քան մնացյալ առաջնություններում, որտեղ խաղացել եմ:
«Ակտոբեն» իմ որոշմանն ըմբռնումով մոտեցավ: Ամեն դեպքում, յուրաքանչյուր խաղին ներդրել եմ ողջ ուժերս, իսկ այն բանից հետո, երբ հայտնի դարձավ, որ կես տարուց տեղափոխում եմ «Ամկար», սկսեցի աշխատել կրկնապատկված ցանկությամբ, որպեսզի խոսակցություններ չլինեին, թե պահպանում եմ ոտքերս:
«Ակտոբեն», որից ջերմ հիշողություններ են մնացել, առաջարկում էր մնալ ավելի բարելավված պայմաններով, սակայն ես արդեն որոշում էի կայացրել: Երկրպագուներն ինձ ջերմ ճանապարհեցին: Երբ մարզադաշտում հայտարարվեց, որ դա իմ վերջին խաղն է ղազախական ակումբում, բոլորն սկսեցին ծափահարել»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
