«Հրապարակ». Ինչու են պաշտոնյաները հրաժարվել մասնակցել գործարարների համագումարին
Հայկական Մամուլ
«Հրապարակ» թերթը գրում է.«Գործարարները, մասնավորապես փոքր և միջին ձեռնարկությունների ներկայացուցիչները, այսօր՝ մայիսի 8-ին, «Էրեբունի պլազայում» հրավիրել են իրենց առաջին համագումարը: Մեզ տեղեկություններ են հասել, որ համագումարին մասնակցելու նպատակով նրանք հրավիրել են պաշտոնյաների, սակայն նրանցից ոչ ոք, կարծես թե, մտադիր չէ գնալ միջոցառմանը և իր ներկայությամբ պատվել այն՝ պատճառաբանելով Հաղթանակի տոնը: Թեև այսօր ընդամենը տոնի նախօրեն է:
Հիշեցնենք, որ նրանք այն գործարարներն են, ովքեր ակտիվորեն բողոքի ակցիաներ էին անում շրջանառության հարկի հետ կապված և կարողացան հասնել նրան, որ կառավարությունում իրենց ընդունի անձամբ վարչապետը: Ավելին՝ ՓՄՁ ներկայացուցիչների բարձրացրած աղմուկի շնորհիվ կառավարության պաշտոնյաները ստիպված էին լինում աշխատավայրում մնալ աշխատանքային ժամերից հետո և բուռն քննարկումների, բանավեճերի մեջ էին հայտնվում:
Համագումարին պաշտոնյաների ներկա չգտնվելու պատճառները կարող են տարբեր լինել, թերևս վախենում են նոր ձևավորվող կորիզից, որն ապագայում կարող է իրենց համար խնդիրներ ստեղծել, ստիպել նստել բանակցությունների: Բայց չկա չարիք առանց բարիքի, ոչ ոք չի կարողանա ասել, որ այս նախաձեռնությունն «իշխանության պրոյեկտն» է»:
Մարամասները' թերթի այսօրվա համարում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
