Հաղթանակի օրը ռուսական ավիաբազայի հրամանատարը Երևանի երկնքում հանդես կգա բարձրագույն օդանավավարության ծրագրով

Հայաստանում մայիսի 9-ին Հայրենական մեծ պատերազմում հաղթանակի 70-ամյակին նվիրված հանդիսավոր միջոցառումներին կմասնակցի ռուսական ռազմակայանի, Ռուսաստանի Անվտանգության համերկրային ծառայության սահմանապահ վարչության և Հայաստանի պաշտպանության նախարարության շուրջ 300 զինծառայող:

Առաջին անգամ տոնական միջոցառումների ժամանակ գործի կդրվի ռուսական ռազմակայանի և Հայաստանի ռազմաօդային ուժերի օդուժը: Շուրջ 15 միավոր ավիացիոն տեխնիկա, որոնց թվում «Էրեբունի» ռուսական ավիաբազայի չորրորդ սերնդի ՄիԳ-29 արդի կործանիիչներ, Հայաստանի ռազմաօդային ուժերի Մի-8 ուղղաթիռներ և Սու-25 գրոհիչներ օդուժի ցուցադրական թռիչքներ կկատարեն Երևանի երկնքում:

«Մայր Հայաստան զինվորական փառքի համալիրներում, Գյումրիի և Երևանի զինվորական կայազորներում զինծառայողները կանցնեն հանդիսավոր երթով՝ Հաղթանակի և Ռուսաստանի ու Հայաստանի պետական դրոշներով», ասված է հաղորդագրության մեջ:

Հայաստանի ռազմաօդային ուժերի Մի-8 ուղղաթիռները և Սու-25 գրոհայինները Երևանի երկնքում շարափակ մարտական կարգով կտանեն Հաղթանակի դրոշը: ՄիԳ-29 կործանիչների ռուս օդաչուները Հաղթանակի զբոսայգու երկնքում կցուցադրեն հոծ մարտական կարգով տպավորիչ խմբավորում՝ պատկերելով «վարդակակաչ»:

Ավիացիոն շոուի առանձնահատուկ դրվագը կդառնա բարձրագույն օդանավավարության ցուցադրական ծրագիրն «Էրեբունի» ռուսական ավիաբազայի հրամանատար Ալեքսանդր Պետրովի կատարմամբ: