Անջելինա Ջոլիի «Ծովի մոտ» նոր ֆիլմը վարձույթ դուրս կգա նոյեմբերի 13-ին

Universal կինոընկերությունը հայտարարել Է Անջելինա Ջոլիի «Ծովի մոտ» (By the Sea) ռեժիսորական աշխատանքի՝ վարձույթ դուրս գալու օրը: Ֆիլմի պրեմիերան կկայանա 2015 թվականի նոյեմբերի 13-ին: «Այդ օրը կինոնկարը կստացվի ԱՄՆ-ի կինոթատրոններում,- նշված Է մամուլի տեղեկագրում:- Դրանից անմիջապես հետո ֆիլմը կներկայացվի նաև աշխարհի այլ երկրների կինոշուկաներում», տեղեկացնում Է «Արմենպրես»-ը:

Անջելինա Ջոլին նաև սցենարի հեղինակն Է և ֆիլմում կատարում Է կնոջ գլխավոր դերը: Գործողությունը տեղի Է ունենում անցյալ դարի 70-ական թվականներին: Կինոժապավենը պատմում Է ամերիկացի գրողի մասին (նրա դերը կատարում Է Ջոլիի ամուսինը՝ Բրեդ Փիտը), որը կնոջ հետ ժամանում Է Ֆրանսիա՝ փնտրելով լռություն և անդորր: Զույգը վերջին ջանքերն Է գործադրում ամուսնությունը փրկելու համար:

Ֆիլմում նաև նկարահանվել են ֆրանսիացի դերասաններ՝ Մելանի Լորանը, Ռիշար Բորենժեն, Նիլս Արեստրուպը, Մելվիլ Պուպոն: «Ծովի մոտ» ֆիլմն Անջելինա Ջոլիի՝ թվով չորրորդ ռեժիսորական աշխատանքն Է, հաղորդել Է ՏԱՍՍ-ը: