«Հրապարակ». Աբովյանի անկուսակցական թեկնածուն Ծառուկյանի պրոտեժեն է, ՀՀԿ-ի` «տղան»
Հայկական Մամուլ
«Հրապարակ» թերթը գրում է. «Չնայած Աբովյանի քաղաքապետի ընտրություններում անկուսակցական թեկնածու Վահագն Գևորգյանը համարվում է Գագիկ Ծառուկյանի պրոտեժեն, այնուհանդերձ, նրան սատարող ՀՀԿ-ն գտնում է, որ «մեր տղեն էլ է»' նկատի ունենալով ԱԺ պաշտպանության, ՆԳ, ԱԱ մշտական հանձնաժողովում, որպես փորձագետ, վերջինիս երկարամյա աշխատանքը:
Մեր տեղեկություններով, հանձնաժողովային այդ «հանգամանքն» իր «հետքն» է թողել նաև ՀՅԴ-ի որոշման վրա, Դաշնակցությունը, ըստ ամենայնի, նույնպես կաջակցի վերջինիս, քանզի Վ. Գևորգյանը եղել է երջանկահիշատակ Վահան Հովհաննիսյանի աջ ձեռքը, երբ Վահանը ղեկավարում էր մշտական այդ հանձնաժողովը: Նմանատիպ մոտեցում ունի նաև ՕԵԿ-ը, որովհետև տևական ժամանակ էլ այդ հանձնաժողովի նախագահն է եղել Մհեր Շահգելդյանը: Նույն պատճառով էլ նրան կսատարեն Երկրապահը, քանզի երկու կարկառուն գեներալները' Մանվելն ու Սեյրանը, տևական ժամանակ պաշտպանության հանձնաժողովի անդամներ են:
Չնայած, մեր տեղեկություններով, էստեղ «բազարը» դեռ գնում է. տեղեկացրեց Մանվել Գրիգորյանին մոտ կանգնած մեր աղբյուրներից մեկը, որովհետև Պալաչը' Արթուր Հարությունյանը, ևս փորձում է բանակցել երկրապահների հետ՝ որպես «իրենց տղա» իրեն սատարելու համար»:
Մանրամասները' թերթի այսօրվա համարում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
