Երկրին մոտեցել է 1999 FN53 խոշոր ապոլոն-աստղակերպը

Մայիսի 14-ին Երևանի ժամանակով ժամը մոտավորապես 17:25-ին Երկրագնդին կմոտենա 1999 FN53 խոշոր աստղակերպը: Այս մասին, ինչպես տեղեկացնում է «Արմենպրես»-ը, հաղորդել է NASA-ի կայքը:

Շուրջ մեկ կիլոմետր տրամագծով և հարյուր հազարավոր տոննա զանգվածով 1999 FN53 ասղակերպը Երկիր մոլորակին կմոտենա շուրջ տասը միլիոն կիլոմետր հեռավորության վրա՝ դա 26 անգամ գերազանցում է Լուսնի և մոլորակի միջև ընկած հեռավորությունը:

Երկնային մարմինն իր ուղեծրի պարամետրերով թույլ է տալիս այն դասել երկրամերձ աստղակերպերի խմբին, որոնք անվանվում են ապոլոններ: Ներկայում հայտնի է շուրջ վեց հազար նման օբյեկտ:

Ինչպես նշում է NASA-ն, աստղակերպը Երկրի համար ոչ մի կարգի վտանգ չի ներկայացնում, այն գործակալության կողմից մտցված չէ պոտենցիալ վտանգ ներկայացնող երկրամերձ օբյեկտների ցանկը: