Գիտնականները գտել են աշխարհում առաջին տաքարյուն ձուկը. Science

Ամերիկացի գիտնականները հայտնաբերել են աշխարհում առաջին տաքարյուն ձուկը: Այդ մասին, ինչպես տեղեկացնում է «Արմենպրես»-ը, հաղորդել է Science հեղինակավոր գիտական հանդեսը:

Ինչպես պարզել են գիտնականները, օպախների ցեղատեսակի սովորական օպախ (Lampris guttatus) խորջրյա ձուկը, որին նաև անվանվում է լուսնաձուկ (Moonfish), ունի ամբողջ մարմնի բարձր ջերմաստիճանը պահպանելու եզակի ունակություն, ինչը բնորոշ է կաթնասուններին և թռչուններին:

Ինչպես նշել է հրատարակությունը, գիտնականները, որսալով այդ ձուկը, չափել են դրա մարմնի ջերմաստիճանը: Պարզվել է, որ Lampris guttatus-ի մարմնի միջին ջերմաստիճանը մոտավորապես 5 աստիճանով բարձր է այն ջերմաստիճանից, որտեղ դա գտնվում է:

Ձկների մեծ մասի մոտ մարմնի ջերմաստճանը համընկնում է այն ջրի ջերմաստիճանին, որտեղ դրանք գտնվում են:

Օպախ ցեղատեսակի ձկները լինում են օվկիանոսում՝ 50-ից մինչև 200 մետր խորության վրա: Այս ձկան երկարությունը կարող է հասնել 1-ից մինչև 2 մետրի, իսկ ամենախոշոր առանձնյակների քաշը երբեմն հասնում է 270 կիլոգրամի, հաղորդել է ՌԻԱ Նովոստին: