Քամիլ Սեն-Սանսի «Կենդանիների շքահանդեսը» «վերակենդանացել է» (լուսանկարներ)
Լուսանկարներ
Երեկ Հայաստանի պետական ֆիլհարմոնիայի Առնո Բաբաջանյանի անվան համերգասրահում տեղի ունեցավ «Կենդանիների շքահանդես» ստեղծագործության հիման վրա բեմադրության պրեմիերան:
Բեմականացումը՝ Տաթևիկ Գրիգորյանի, ռեժիսոր՝ Սամսոն Մովսեսյան:
ԼՈՒՐԵՐ.com-ի այն հարցին, թե ո՞րն է նախագծի նպատակը, «Նուրի» թատերախմբի հիմնադիր և ծրագրի ղեկավար Տաթևիկ Գրիգորյանը պատասխանեց. «1964թվականին հիմնադրված «Դպրոցականի ֆիլհարմոնիա» ծրագիրը միշտ հավատարիմ է եղել իր առջև դրված առաքելությանը՝ նպաստել դպրոցականների գեղագիտական դաստիարակությանը, նրանց սիրելի և հասանելի դարձնել դասական և ազգային երաժշտության գանձարանին: Այս բեմականացումը ևս նույն նպատակն ունի»:
«Նուրի» թատերախմբի անունից, որի կազմում ընդգրկված են երիտասարդներ, ուզում եմ շնորհակալություն հայտնել Հայպետֆիլհարմոնիայի տնօրեն Գագիկ Մանասյանին, որովհետև առանց նրա աջակցության չէինք կարող իրականացնել մեր նախագծերը' «Կենդանիների շքահանդեսը» և «Առակները»:
Երեխաները համերգասրահից դուրս էին գալիս Քամիլ Սեն-Սանսի մասին ինֆորմացիայով և դասական երաժշտության դրական էմոցիաներով»,- նշեց Տաթևիկ Գրիգորյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
