XVI դարի բուսաբանության գրքում հայտնաբերել են Շեքսպիրի՝ կենդանության օրոք արված դիմանկարը

XVI դարի բուսաբանության գրքում հայտնաբերվել Է Ուիլյամ Շեքսպիրի՝ հավանաբար կենդանության օրոք արված դիմանկարը. այս հայտնագործությունը կատարել Է բրիտանացի բուսաբան և պատմաբան Մարկ Գրիֆիտսը, հաղորդում Է «Արմենպրես»-ը՝ վկայակոչելով «Country Life» հանդեսը:

Գիտնականը հայտարարել Է, որ ինքը «հանճարեղ կոդը» վերծանել ու ճանաչել Է բանաստեղծի գրքի փորագրանկարներից մեկում: Ինչպես նշվում Է, Գրիֆիտսը զբաղվել Է բուսաբանության ռահվիրա Ջոն Ջերարդի կյանքի և նրա «Բույսերի ընդհանուր պատմությունը»(The Herball or Generall Historie of Plantes) աշխատության հետազոտությամբ: 1598 թվականին հրատարակված՝ 1400-Էջանոց գրքի տիտղոսաթերթի վրա տպված են չորս պատկերներ: Վերծանելով գույների խորհրդանշանները և զինանիշագիտական խորհրդանիշները՝ գիտնականը դրանցից մեկում ճանաչել Է բանաստեղծին. պատկերված տղամարդը բռնել Է հասարակ շ ահպրակ բույսը և եգիպտացորենի կողր. Գրիֆիտսի խոսքով՝ այս բույսերը նշում են Շեքսպիրի «Վեներան և Ադոնիսը» պոեմը, ինչպես նաև նրա «Տիտոս Անդրոնիկոս» ողբերգությունը:

«Հենց այս տեսքն Էլ ունեցել Է Շեքսպիրը՝ պատկերված բնօրինակից՝ ուժերի ծաղկման շրջանում»,- հայտարարել Է Գրիֆիտսը:

Ինչպես նշում Է «Ինտերֆաքս»-ը, առայժմ այս հայտնագործությունը չի ստացել գիտական ընկերակցության հաստատումը: