Գիտնականները NASA-ի աստղադիտակով հայտնաբերել են Տիեզերքի ամենապայծառ գալակտիկան

Ամերիկացի գիտնականները Տիեզերքում հայտնաբերել են ամենապայծառ գալակտիկան, որը գտնվում Է Երկիր մոլորակից 12,5 միլիարդ լուսային տարի հեռավորության վրա: Ինչպես հաղորդել Է ԱՄՆ-ի Օդագնացության և տիեզերական տարածության հետազոտման ազգային վարչությունը (NASA), այն լույս Է ճառագայթում «300 տրիլիոն անգամ ավելի ուժեղ, քան մեր Արեգակը», տեղեկացնում Է «Արմենպրես»-ը:

Հայտնագործությունը կատարվել Է WISE տիեզերական ինֆրակարմիր աստղադիտակի միջոցով 2010 թվականին ստացված տվյալներն ուսումնասիրելիս: Չեմպիոն-գալակտիկային տրված հերթական համարը բաղկացած Է այդ ապարատի անունից և 18-անիշ թվից: Աստղադիտակը կարողացել Է տեսնել ևս երկու տասնյակ արտակարգ պայծառ գալակտիկաներ, որոնք երևում են սոսկ ինֆրակարմիր ընդգրկույթում:

Ինչպես գրում Է ՏԱՍՍ-ը, մասնագետները գալակտիկաների բարձր պայծառությունը բացատրում են դրանցում գերզանգվածեղ սև անցքերի առկայությամբ:»Գալակտիկաները դեպի իրենց են ձգում գազ և նյութ, որոնք դրանց շուրջը կազմավորում են մինչև միլիոնավոր աստիճաններ տաքացած և մեծ Էներգիա անջատող սկավառակներ, ինչպես նաև տեսանելի, ուլտրամանուշակագույն և ռենտգենյան ճառագայթում»,- նշել Է NASA-ն իր մամուլի տեղակագրում: