Այս անգամ պետք է վճռական հաղթանակ տանեմ. Աբրահամը՝ Շտիգլիցի դեմ կայանալիք 4-րդ մենամարտի մասին (լուսանկարներ)
Սպորտ
Հայ պրոֆեսիոնալ բռնցքամարտիկ, WBO վարկածով գերմիջին քաշային կարգում աշխարհի չեմպիոն Արթուր Աբրահամը, երեկ՝ մայիսի 21-ին, Գերմանիայի Հալլե քաղաքում մամլո ասուլիսի ձևաչափով հանդիպել է մրցակցի՝ Ռոբերտ Շտիգլիցի հետ:
«Չորս մենամարտ Շտիգլիցի հետ արդեն շատ է ինձ համար: Այս անգամ պետք է վճռական հաղթանակ տանեմ, որպեսզի այլևս հարցեր չառաջանան: Պետք է վերջնական ապացուցեմ, որ ես եմ ուժեղագույնը»,- ասել է Արթուր Աբրահամը:
Ռոբերտ Շտիգլիցն իր խոսքում շեշտել է, թե մանրամասն ուսումնասիրել է նախորդ երեք մենամարտերը և չի կասկածում՝ այս անգամ ինքն է հաղթելու:
Արթուր Աբրահամի և Ռոբերտ Շտիգլիցի միջև թվով արդեն 4-րդ հանդիպումը կայանալու է գերմանական Հալլե քաղաքում:
Մենամարտը նախանշված է հուլիսի 18-ին, բռնցքամարտիկները պայքարելու են WBO չեմպիոնական գոտու համար, որը պատկանում է Արթուր Աբրահամին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
