Էդգար Մանուչարյանը՝ «Այաքս» տեղափոխվելու, Ռոնալդուի և Մեսսիի մրցակցության և Պույոլի կողմից ստացած վնասվածքի մասին

Հայաստանի ազգային հավաքականի և Եկատերինբուրգի Ուրալի հարձակվող Էդգար Մանուչարյանը ծավալուն հարցազրույց է տվել eurofootball-ին: 

- Մեկնաբանեք Ձեր տեղափոխությունը Ամստերդամի «Այաքս»: Ինչպե՞ս արձագանքեցին տեղափոխությանը հարազատներն ու մտերիմները: 

- Դա, իհարկե, իմ կարիերայում շատ լուրջ քայլ էր: Ես կարող էի և չգնալ Հոլանդիա և մնալ ընտանիքիս հետ: Այդ ժամանակ հասկացա՝ լավ ֆուտբոլիստ դառնալու համար պետք է ինչ-որ բան զոհաբերել: Ծնողներս շատ երջանիկ էին, սակայն միևնույն ժամանակ դժվար էր ինձ թույլ տալ գնալը:

- «Այաքսում» որոշ ժամանակ մարզվել եք Ռոնալդ Կումանի գլխավորությամբ: Ի՞նչ կասեք այդ ժամանակաշրջանի մասին:

- Նրա գլխավորությամբ շատ քիչ եմ աշխատել, սակայն հենց նա է ինձ «Այաքսի» երկրորդ թիմում և տեղափոխել առաջին թիմ: Նրան դուր էր եկել իմ մոտեցումը մարզումներին, խաղին: Կումանը ինձ միանգամից «Բարսելոնայի» դեմ ընկերական խաղում մեկնարկայյին կազմում ընդգրկեց, որում, սակայն, ցավոք, Պույոլի հետ բախման արդյունքում վնասվածք ստացա: Ստիպված եղա երկար ժամանկ բուժվել, իսկ իմ վերադարձից հետո Ռոնալդն այլևս «Այաքսում» չէր աշխատում:

- Պույոլից վիրավորվա՞ծ եք, ում հետ բախման արդյունքում լուրջ վնասվածք ստացաք: 

- Ոչ, քանի որ գիտեմ՝ դա հատուկ չէր արված, խաղային դրվագ էր: Ֆուտբոլն այդպիսին է, որտեղ հաճախ ստիպված ես մենամարտել: 

- Ո՞վ է լավագույնը: Ռոնալդո՞ւն, թե՞ Մեսսին:

- Չի կարելի այդ ֆուտբոլիստներին համեմատել. նրանք երկուսն էլ լավագույնն են: Ռոնալդուն շատ աշխատասեր է, այն, ինչ նա ցուցադրում է, նրա ջանասիրաբար աշխատանքի արդյունքն է: Դրա համար ես նրան շատ հարգում եմ: Մեսսիի մոտ ամեն ինչ ի վերուստ է: 

- Հույս ունե՞ք դեռ Չեմպիոնների լիգայում խաղալ: 

- Իհարկե, ես հավատում եմ, բայց չեմ կարող իմանալ, թե ինչ կլինի որոշ ժամանակ անց: Այդ պատճառով երբեք մի ասա երբեք: Կարծում եմ՝ նույնիսկ «Ուրալի» կազմում կարող եմ խաղալ Չեմպիոնների լիգայում (ծիծաղում է): Ամեն ինչ հնարավոր է: Նայեք նույն «Կրասնոդարին»: Դեռ 5 տարի առաջ ոչ ոք չէր լսել նրանց մասին, իսկ այժմ նրանք արդեն իրեն երաշխավորել են բրոնզե մեդալը և ԲԿՄԱ-ի հետ պայքարում են Չեմպիոնների լիգայում տեղի համար: Այդ գործում իր մեծ ավանդն ունի Սերգեյ Գալիցկին: