ԱՄՆ-ում երկթաթ փիսիկը Instagram-ի աստղ է դարձել
Այլ
Կատվի ձագը, որը բնածին արատի պատճառով լույս աշխարհ է եկել առանց առջևի երկու թաթերի, դարձել է Instagram-ի աստղ: Ինչպես հաղորդում է «Արմենպրես»-ը՝ հղում անելով The Daily Mail-ին, մեկ ամսվա ընթացքում կենդանու ակաունտին բաժանորդագրվել է ավելի քան 50 հազար մարդ:
Կենդանու տերը՝ Ջեկի Դիք Էյկին, պատմել է, որ կատվին կենդանիների ապաստարանից վերցրել է 2014 թվականի հոկտեմբերին: Նա կատվին անվանել է Lil’ Bunny Sue Roux («Ճագարի ձագ Սյու Ռու»):
Էյկին ասել է, որ Ռուն, ինչպես սովորաբար կատվին անվանում է տերը, գրեթե անմիջապես հարմարվեց և սովորեց շատ արագ տեղաշարժվել: Բացի այդ, երբ նրան հարկավոր է արագ շարժվել, Ռուն ցատկում է հետևի թաթերով, ինչպես ճագարը կամ կենգուրուն: Տիրոջ խոսքով՝ ապագայում կատվին հարկավոր կլինի առջևի թաթերի պրոթեզ տեղադրել, քանի որ մշտական ցատկերը կարող են բացասաբար ազդել կենդանու առողջության վրա:
Չնայած բնածին հիվանդությանը, կենդանու առօրյան շատ չի տարբերվում մյուս կատուններից: «Ռուն սիրում է ուտել, քնել՝ մեկնելով հետևի թաթերը, չարաճճիություն անել խաղալիք մկնիկի հետ, պատուհանից դիտել ճնճղուկներին և լիզել իմ քիթը»,-նշել է Էյկին:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
