Թեհրանում ձերբակալվել են Ռուսաստանի երկու քաղաքացիներ

Թեհրանում ձերբակալվել են «Зар кух» ղազախա–իրանական ընկերության աշխատակիցներ, որոնք մասնագիտացված են ոսկու արդյունահանման մեջ, հաղորդում է Ռիա նովոստին։

Ինչպես նշվում է Ռուսաստանի արտոգործնախարարության տարածած մամլո հաղորդագրությունում, ձերբակալվածներից երկուսը Ռուսաստանի քաղաքացիներ են։

Իրանում ՌԴ դեսպան Լևան Ջագարյանը ձերբակալվածների հետ հանդիպելու նպատակով դիմել է Իրանի արտգործնախարարություն։ ՌԴ  դեսպանությունը Իրանում Ղազախստանի դեսպանության հետ համատեղ քայլեր է ձեռնարկում ձերբակալված քաղաքացիների գտնվելու վայրի և ձերբակալության պատճառների մասին տեղեկություն ստանալու համար։ 

ՌԴ ԱԳՆ հաղորդագրությունում նշվում է, որ իրանական կողմից դեպքի հետ կապված որևէ պատասխան դեռևս չի ստացվել։