Բունդեսթագում Հայոց ցեղասպանության բանաձևը կարող է քննարկվել մինչև հուլիսի կեսերը. Աշոտ Հայրունի

Թուրքական կողմը ճնշումներ է գործադրել Բունդեսթագի պատգամավորների վրա ապրիլին Հայոց ցեղասպանության հարցով, սակայն Գերմանիայի նախագահի հաստատակամ դիրքորոշումը կարողացել է որոշակի փոփոխություններ մտցնել գերմանական քաղաքական դիրքորոշման մեջ: Թեպետ մի քանի անգամ Բունդեսթագում հետաձգվել է Հայոց ցեղասպանության բանաձևի քննարկումը, սակայն պատմական գիտությունների դոկտոր, պրոֆեսոր, գերմանագետ Աշոտ Հայրունին հավաստիացնում է, որ գործընթացը դեռևս ավարտված չէ: «Արմենպրես»-ի փոխացմամբ' հունիսի 8-ին կայացած հանդիպման ժամանակ Հայրունին ասաց, որ նախատեսվում է, որ Բունդեսթագն արձակուրդից առաջ հարցը կքննարկվի և այդ գործընթացը կտևի մինչև հուլիսի երկրորդ կեսը:

«Բանաձևում կան թե՛ ընդունելի, թե՛ միաժամանակ անընդունելի տարրեր: Եթե համամատենք 2005թ. բանաձևի հետ, իհարկե, մի քանի քայլ առաջ է, սակայն մի շարք հարցեր վիճարկելի են: Օրինակ, բանաձևն ընդունում է Հոլոքոստի եզակիությունն ու առանձնահատկությունը և թվում է, թե այդ եզակիությունը հայոց և մնացած ցեղասպանությունների համամետությամբ է: Բանաձևում ասվում է, որ հայերի ոչնչացումը պետք է դառնա դասընթացների նյութ էթնիկական հակամարտությունների ուսումնասիրման համատեքստում: Այս առումով սխալ է «էթնիկական հակամարտություն» տերմինը և պետք է լ իներ «էթնիկական զտումներ»»,-ասաց Հայրունին' հավելելով, որ թուրքական կողմը կշարունակի որոշակի ջանքեր գործադրել, որպեսզի ազդի և բանաձևը չընդունվի:

Այս առումով, Հայրունին շեշտում է, որ հայկական կողմը պետք է քայլեր ձեռնարկի, որպեսզի գործընթացի ավարտին մեզ համար ընդունելի բանաձև լինի: Այս առումով, Հայրունին առաջարկում է տեղեկագիրք հրատարակել, որտեղ կներկայացվեն այն շտկումները, որոնք պետք է հստակեցնեն պատգանավորների դիրքորոշումը: