Օբաման կրկին սպառնում է Իրանին

ԱՄՆ նախագահ Բարաք Օբաման Իրանին սպառնացել է նոր պատժամիջոցների կիրառմամբ, եթե իրանյան միջուկային խնդրի շուրջ միջազգային վեցնյակի և Թեհրանի միջև ընթացող բանակցություններում որակական առաջընթաց չնկատվի։ Հիշեցնենք, որ բանակցությունների առաջին փուլը տեղի է ունեցել շաբաթ օրը՝ Ստամբուլում։ 

«Իմ համոզմունքն այն է, որ մենք դեռևս ունենք ժամանակային «պատուհան», որի շրջանակներում հակամարտությունը կարող է լուծվել դիվանագիտական ճանապարհով։ Սակայն այդ «պատուհանը» փակվում է, և Իրանը պետք է օգտվի այն բանից, որ այն դեռևս բաց է»,- Օբամայի խոսքերն է մեջբերում Reuters-ը։