Ընտացուցակներն այս տարի կլինեն ավելի լավը, քան երբևէ. Հովհաննես Քոչարյան

Ընտացուցակներն այս տարի կլինեն ավելի լավը, քան երբևէ: Այս մասին այսօր լրագրողների հետ հանդիպմանը հայտարարեց ոստիկանության անձնագրային և վիզաների վարչության պետ, ոստիկանության գնդապետ Հովհաննես Քոչարյանը:

«Դրա պատճառը նախ այն է, որ ցուցակներն այս տարի դարձել են հրապարակային: Երբ վերջնական տարբերակը հրապարակվի, ընտրությունների ընթացքում կհամոզվեք»,- վստահեցրեց Քոչարյանը:

Նա նշեց, որ մինչև մայիսի 1-ը բոլոր ընտրողներն իրավուքը կարող են այցելել տեղամասային կենտրոններ ու անճշտություններ հայտնաբերելու դեպքում դիմել անձնագրային ծառայություններին: Կուկսացությունների և մեծամասնական ընտրակարգով առաջադրված թեկնածուների շտաբերը ակտիվացել են, տուն առ տուն այցելում են, ներկայացնում այն անճտությունները, որոնք ուղղման անհրաժեշտություն ունեն»,- ասաց Քոչարյանը:

Նա տեղեկացրեց, որ երեք ուղղությամբ են աշխատում՝ կուսակցությունների շտաբերից ստացվող տվյալներն են ստուգում, մամուլի մոնիթորինգ են իրականացնում և ոստիկանության հայտնաբերած անճշտություններն են ուղղում:

«Ակտիվ զբաղված ենք ու լուրջ արդյունքեր ունենք հատկապես մահացածների տվյալների առումով: 2000-ով պակասել են մահացած անձանց տվյալները: Ցուցակից հանվել են նաև հաշվառումից դուրս եկած 1000 անձանց տվյալներ»,- նշեց նա:

Լրագրողների այն դիտարկմանը, թե քաղաքացիները բողոքում են, որ նոր անձնագիր ստանալիս դժվարությունների են հանդիպում, Հովհաննես Քոչարյանը պատասխանեց, թե վերջին շրջանում մեծացել է անձնագրերի պահանջարկը:

«Դա պայմանավորված է նրանով, որ 1995-96 թվականներին անձնագիր ստացած անձինք դիմում են՝ նորը ստանալու համար, քանի որ վավերականության ժամեկտը երկարացնելու հանրավորություն այլևս չկա: Երկու օրվա ընթացքում կստանան իրենց անձնագրերը, սպասում ենք հերթական խմբաքանակը ստացվի»,- վստահեցրեց նա:

Նշենք, որ ոստիկանության տվյալներով Հայաստանում ընտրության իրավուքն ունեցողների թիվը ապրիլի վեցի դրությամբ 2.482.593 է: