Իրանը ստեղծել է ամերիկյան անօդաչու թռչող սարքի կրկնօրինակը

Իրանը հայտարարել է, որ արդեն պատրաստել է ամերիկյան Sentinel անօդաչու թռչող սարքի կրկնօրինակը, որը վթարի էր ենթարկվել Իրանի տարածքում անցյալ տարվա վերջին, հաղորդում է Mehr գործակալությունը։

Ըստ իրանցի պաշտոնյաների` նրանք անհրաժեշտ տեղեկատվությունը ստանալու համար կոտրել են սարքի ծրագրային արկղը և այժմ ունեն սարքի ստեղծման վերաբերյալ անհրաժեշտ ողջ տեղեկատվությունը։

Ի դեպ, Իրանը կարող է վերստեղծել հատուկ պատյանները, որոնց միջոցով թռչող սարքերն անտեսանելի կլինեն ռադարների համար։