Թրամփի խորհրդականը պատմել է Բիլ Քլինթոնի նկատմամբ Հիլարիի գործադրած բռնությունների մասին

ԱՄՆ-ի նախագահի պաշտոնին հավակնող Դոնալդ Թրամփի խորհրդական Ռոջեր Սթոունը գիրք Է գրել, որում պատմել Է Միացյալ Նահանգների նախկին պետքարտուղար Հիլարի Քլինթոնի անձնական կյանքի մասին, հաղորդում Է «Արմենպրես»-ը՝ հղում անելով The New York Post-ին:

Գիրքը վերնագրված Է «The Clintons’ War On Womenե («Քլինթոնների պատերազմը կանանց դեմ»): Ինչպես պատմում Է Սթոունը, Հիլարի Քլինթոնը, դժգոհ լինելով ամուսնու մշտական դավաճանություններից, երկար տարիներ ծեծել Է նրան: Հեղինակի խոսքով՝ նախկին նախագահի տիկինը «նրան հարվածում Էր ծանր իրերով եւ նրա դեմքը ճանկռում արյունոտելու աստիճան: Այսպես, 1993 թվականին, երբ Հիլարին շտապ կերպով մեկնել Է Արկանզաս՝ մեռնող հոր մոտ, Բիլը երեկույթ Է կազմակերպել Սպիտակ տանը՝ հրավիրելով Բարբարա Սթրեյզանդին: Գազազած Հիլարին ճանկռել Է ամուսնու վիզը:

Սթոունը գրում Է, որ, բացի այդ, նա քանիցս գոռացել Է Գաղտնի ծառայության աշխատակիցների վրա եւ նրանցից պահանջել իր հետեւից տանել պայուսակները: Հեղինակները խոստանում են պատմել Քլինթոնների ընտանիքի անդամներից մեկի՝ թմրանյութից կախվածության մասին եւ արատավորող նյութեր տրամադրել, որը Հիլարիին կխանգարի հավակնել ԱՄՆ-ի նախագահի պաշտոնին: «Հիլարի Քլինթոնն իսկական ձյունե թագուհի Է,-պնդում Է Սթոունը:-Իսկ այն կինը, որին դուք տեսնում եք նախընտրական արշավում, շինծու Է»:

Գրքի լույսընծայումը պլանավորված Է 2015 թվականի հոկտեմբերի 13-ին:

Հարցման համաձայն, որն անցկացրել են CNN հեռուստաալիքը եւ ORC մարկետինգային ընկերությունը, ԱՄՆ-ի բնակիչների 53 տոկոսը բացասաբար արտահայտվում Քլինթոնի մասին: Նրա վարկանիշի այսպիսի ցածր ցուցանիշներ առաջին անգամ են գրանցվել 2001 թվականից ի վեր: