Եմենում կոալիցիայի ինքնաթիռները ռմբակոծությամբ խաթարել են հարսանեկան տոնակատարությունը

Եմենի Դամար գավառում Սաուդյան Արաբիայի գլխավորությամբ արաբական երկրների կոալիցիայի ինքնաթիռների ավիահարվածները խաթարել են հարսանեկան տոնակատարությունը: Այս մասին հաղորդում է "Россия 24"-ը:

Արդյունքում զոհվել է առնվազն 15 և վիրավորվել 25 մարդ: 

Ավիահարվածները հասցվել են երկրի մայրաքաղաք Սանայից 113 կմ հեռավորության վրա՝ հութի ապստամբների կողմնակիցների կազմակերպած հարսանեկան արարողության ժամանակ:

Կոալիցիան դեռևս ոչ մի մեկնաբանություն չի տվել: