ՆԱՏՕ-ին անհանգստացնում է Սիրիայում ռուսական թևավոր հրթիռների կիրառումը. Սթոլթենբերգ
Աշխարհ
ՆԱՏՕ-ի գլխավոր քարտուղար Յենս Սթոլթենբերգը դաշինքի պաշտպանության նախարարների հանդիպումից առաջ լրագրողների հետ զրույցում անհանգստություն է արտահայտել Սիրիայի տարածքին ռուսական թևավոր հրթիռներով հարվածներ հասցնելու առնչությամբ: Այս մասին հայտնում է ՌԻԱ «Նովոստին»:
«Մենք տեսել ենք հարվածներ օդից, թևավոր հրթիռների հարվածներ, Թուրքիայի օդային տարածք ներխուժում։ Այդ ամենը ստեղծում են անհանգստության պատճառներ: Մենք արտահայտում ենք մեր անհանգստությունն ու սերտ կապի մեջ մնում թուրքական կառավարության հետ»,- ասել է գլխավոր քարտուղարը:
Նա նաև հայտարարել է, որ ՆԱՏՕ-ն կոչ է անում Ռուսաստանին կենտրոնանալ ԴԱԻՇ-ի դեմ պայքարի վրա, ոչ թե Ասադին աջակցելու:
Սիրիայում հակամարտության ռազմական լուծում չկա` կարծում է ՆԱՏՕ-ի գլխավոր քարտուղարը: «Մենք ցանկանում ենք տեսնել մարտական գործողությունների դադարեցում և իշխանության քաղաքական փոխացնման գործընթացի մեկնարկ: Մենք Ռուսաստանին կոչ ենք անում կառուցողական դեր խաղալ այդ գործընթացում»,- ասել է Սթոլթենբերգը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
