Ադրբեջանի արտաքին պարտքը մոտ երկու միլիարդ մանաթով աճել է

Ադրբեջանի ֆինանսների նախարարությունը երկրի արտաքին պետական պարտքի վերաբերյալ տեղեկություն է հրապարակել, ըստ որի 2015 թվականի առաջին կեսին մանաթով արտահայտված արտաքին պարտքը աճել է 36,6 տոկոսով կամ 1 մլրդ 859,5 մլն մանաթով:

Ինչպես հաղորդում է «Արմենպրես»-ը' վկայակոչելով «Ազադլըգ» թերթը, ըստ ֆիննախի' Ադրբեջանի արտաքին պետական պարտքի ՀՆԱ-ի նկատմամբ հարաբերակցությունը կազմել է 12,2 տոկոս: Տարվա սկզբին այդ ցուցանիշը 3,6 տոկոսով ցածր է եղել (8,6 տոկոս):