ԻԼԻՊ-ի զինյալներին «Տոյոտա» ջիպերով և բեռնատար-պիկապներով ապահովել է ԱՄՆ պետդեպը. ԶԼՄ-ներ

Ամերիկացի քաղաքագետները պատասխանել են այն հարցին, թե ինչու ԻԼԻՊ-ի գրոհայիններն իրենց բանակում զանգվածաբար օգտագործում են ճապոնական Toyota ապրանքանիշի ամենագնացներ և բեռնատար-պիկապներ: Նրանք եկել են այն եզրակացության, որ ծայրահեղականներին այդ մեքենաները տրամադրել են ԱՄՆ պետքարտուղարությունը և Մեծ Բրիտանիայի կառավարությունը: Այս մասին հայտնում է LifeNews-ը:

Ամերիկյան ու բրիտանական իշխանությունները 2013-14 թթ. «Տոյոտա» մակնիշի ջիպեր էին մատակարարում «Սիրիայի ազատ բանակին», որը քաղաքացիական պատերազմ է վարում Բաշար ալ-Ասադի կառավարության դեմ: Ավելի վաղ, Վաշինգտոնը պաշտոնական հարցում է հղել ճապոնական ավտոարտադրող ընկերությանը՝ պահանջելով պարզաբանել, թե որտեղից են ԻԼԻՊ-ի մոտ այդ մեքենաները, ինչին ավտոկոնցեռնի ներկայացուցիչները պատասխանել են, որ իրենք չգիտեն, թե ինչպես են իրենց ջիպերը հայտնվել իսլամիստների մոտ:

Ուսումնասիրության մեջ քաղաքագետները հենվում են ամերիկյան Public Radio International ռադիոյի տվյալներին, որը 2014 թ. հրապարակել է սիրիական հեղափոխականների ազգային կոալիցիայի և ընդդիմադիր ուժերի խորհրդականի հետ հարցազրույցը, ինչպես նաև Independent թերթի տվյալներին: Այդ հարցազրույցում ասվում էր, որ ԱՄՆ պետդեպը վերսկսել է օգնության տրամադրումը սիրիացի ապստամբներին, այդ թվում՝  «Տոյոտա» մակնիշի 43 բեռնատար-պիկապ: 

Բրիտանական Independent պարբերականում, իր հերթին, 2013 թ. հրապարակվել է մի հոդված, որում որում ասվում է այն մասին, որ Մեծ Բրիտանիայի կառավարությունն ընդդիմության ապստամբներին ուղարկել է 8 մլն ֆունտի չափով «օգնություն»: Այն ներառում է Բալիստիկ պաշտպանության հինգ տրանսպորտային միջոց, զրահաբաճկոնների 20 կոմպլեկտ, չորս բեռնատար, վեց ամենագնաց, հինգ պիկապ: