ԱՊՀ-ի գագաթնաժողովում ռազմական համագործակցության հայեցակարգ է ստորագրվելու
Աշխարհ
ԱՊՀ-ի գագաթնաժողովում, որը հոկտեմբերի 16-ին տեղի կունենա Ղազախստանում, ստորագրման է պատրաստվում մինչև 2020 թվականը ռազմական ոլորտում համագործակցության հայեցակարգը: Այդ մասին, ինչպես տեղեկացնում է «Արմենպրես»-ը, հայտնել է ՌԴ նախագահի օգնական Յուրի Ուշակովը:
Բացի այդ, նախատեսվում է որոշումներ ընդունել արտաքին սահմաններում ճգնաժամային իրավիճակների կարգավորման համար: «Ռազմական ոլորտում բազմակողմ շփումների արդյունավետության բարձրացման շրջանակներում պլանավորվում է ստորագրել մինչև 2020 թվականը համագործակցության համապատասխան հայեցակարգ»,- ասել է Ուշակովը լրագրողներին:
Նրա խոսքով՝ այդ փաստաթղթերը թույլ կտան բարձրացնել արտաքին սահմանների անվտանգության ապահովման ոլորտում ձեռնարկվող միջոցների արդյունավետությունը, կնպաստեն անհրաժեշտ նորմատիվային-իրավական բազայի կատարելագործմանը և ԱՊՀ-ի մեջ չմտնող երկրների սահմանապահ կառույցների հետ կապերի զարգացմանը:
Բացի այդ, պլանավորվում է քննարկել և մի շարք փաստաթղթեր ընդունել իրավապահ գործունեության ոլորտում: Նաև ծրագրվում է համագործակցության համաձայնագիր ստորագրել արտակարգ իրավիճակների կանխման և վերացման վերաբերյալ, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
