«Հայաստանի Հանրապետություն» 11 հատորանոց հանրագիտարանը Հայաստանի պատմամշակութային անձնագիրն է

Գիտություն և Մշակույթ 19 Հոկտեմբեր, 2015 11:20

«Հայաստանի Հանրապետություն» 11 հատորանոց պատմական հանրագիտարանում առկա են ՀՀ կառավարության կողմից գրանցված Հայաստանի բոլոր պատմամշակութային հուշարձանները: «Այս բացառիկ հանրագիտարանում ներառված են ՀՀ բոլոր մարզերի բնակավայրերը՝ իրենց պատմամշակութային միջավայրով ու պատմությամբ, ինչպես նաև Արցախի պատմամշակութային հուշարձանները: Այս գրքի ստեղծման աշխատանքները սկսել էի դեռևս 1981թվականից, այնուհետև, երբ ստեղծվեցին թվային ֆոտոխցիկները իմ որդու' Արտեմ Հակոբյանի հետ, վերանկարեցինք Հայաստանի գրեթե բոլոր բնակավայրերը»,- լրագրողների հետ սեպտեմբերի 17-ին կայցած հանդիպմանը հայտնեց հանրագիտարանի հեղինակ, պատմաբան Սամվել Հակոբյանը' հավելելով, որ հանրագիտարանը եռալեզու է՝ հայերեն, ռուսերեն և անգլերեն:

Նա նկատեց, որ հանրագիտարանում ներկայացված են 1003 բնակավայրեր' իրենց պատմություններներով, պատմամշակութային միջավայրերով և այլ մանրամասներով: «Հանրագիտարանն իր մեջ ընդգրկում է Արցախի, Իրանի, Ադրբեջանի, Վրաստանի հայկական հուշարձանների, Կիլիկյան Հայաստանի, ինչպես նաև դարերի ընթացքում անհետացած բնակավայրերի և տեղանքների մասին տեղեկություններ. ընդհանուր առմամբ' ավելի քան 10 հազար լուսանկար: Հաջորդ տարի ես հույս ունեմ հրատարակել Արցախի և Արևմտյան Հայաստանի հուշարձանների վերաբերյալ առանձին ձեռնարկներ»,-ընդգծեց Հակոբյանը' հավելելով, որ հանրագիտարանի մեկական օրինակ ուղարկվել է ՀՀ Նախագահին, վարչապետին, ԱԺ նախագահին, ինչպես նաև Վատիկան և այլ վայրեր:

Հանրագիտարանի հեղինակ Սամվել Հակոբյանը շեշտեց, որ այս գիրքն ունի շատ կարևոր ճանաչողական նպատակ: անձնագիրը, որպեսզի յուրաքանչյուր մարդ, կարդալով այս գիրքը, պատկերացում կազմի մեր երկրի մասին»,-«Ներկայիս սերնդի մշակութային տեղեկացվածության մակարդակը բավական ցածր է: Մենք որոշեցինք ստեղծել այնպիսի մի հանրագիտարան, որն ընդգրկի ամբողջ Հայաստանը, ինչը հնարավորություն կտա աշակերտներին, ուսանողներին Հայաստանի ամբողջ պատմության մասին տեղեկատվությունը ունենալ իրենց սեղանին' նպատակ ունենալով նաև ամբողջ աշխարհին ճանաչելի դարձնել Հայաստանի պատմությունը»,- նշեց բանախոսը' հավելելով, որ այդ գիրքը նաև մշակութային ժառանգությունը ներկայացնող գիրք-փաստաթուղթ է, որը կարող է հանդիսանալ իբրև ապացույց, թե որ ժողովուրդն է ապրում տվյալ տարածքում: «Ես որոշեցի ստեղծել մեր երկրի պատմամշակութային պարզաբանեց Հակոբյանը:

Բանախոսը նաև տեղեկացրեց, որ իրենք նախատեսել են նաև այդ հանրագիտարանի օրինակները հանձնել ՀՀ պաշտպանության նախարարության և Արցախի ՊՆ-ի բոլոր զորամասերին: «Հանրագիտարանի տպաքանակը առայժմ 1000 օրինակ է, բայց ես դիմել եմ ՀՀ Նախագահ Սերժ Սարգսյանին' ևս 1000 տպաքանակ հրատարակելու խնդրանքով, և ստացել դրական պատասխան»,-հայտնեց Սամվել Հակոբյանը' տեղեկացնելով, որ հանարագիտարանի հովանավորը Մոսկվայից է, և վերջինիս հրավերով շնորհանդեսը տեղի է ունեցել Մոսկվայում, հայկական եկեղեցում: