Տոկիոյի Ճարտարապետական դիզայնի միջազգային մրցույթում երիտասարդ հայ մասնագետի աշխատանքը երկրորդ տեղն է գրավել

Հայաստանից երիտասարդ ճարտարապետ Քրիստինե Աբրահամյանի նախագիծը երկրորդ տեղն է գրավել Տոկիոյում կայացած Ճարտարապետական դիզայնի Central Glass International Architectural Design Competition միջազգային մրցույթում: Ճապոնիայի մայրաքաղաքում յուրաքանչյուր տարի անցկացվող այս մրցույթի թեման է ապակին ճարտարապետության մեջ: «Այս մրցույթի երկրորդ փուլին մասնակցությունը շատ կարևոր նշանակություն ունի ինձ համար մասնագիտական աճի առումով: Մրցույթի գլխավոր նպատակը ճարտարապետական, դիզայներական նոր գաղափարների ու լուծումների և նորարական տեխնոլոգիաների առաջ քաշումն է, և այդ առումով ներկայացված բոլոր նախագծերն էլ բավականին հետաքրքիր էին»,- «Արմենպրես»-ին տեղեկացրեց Քրիստինե Աբրահամյանը:

Հայեց ցեղասպանության թանգարան-ինստիտուտի նոր ցուցադրության դիզայնի համահեղինակներից մեկի՝ Քրիստինե Աբրահամյանը հեղինակավոր այս մրցույթին մասնակցում է երկրորդ անգամ: Չորս տարի առաջ նա մասնակցել էր, սակայն չէր կարողացել անցնել երկրորդ փուլ և արժանացել էր Երախտիքի մրցանակի:

Central Glass International Architectural Design Competition ճարտարապետական մրցույթն իրականացվում է 1966թվականից ի վեր, իսկ 1976թ. այն դարձել է միջազգային: Երիտասարդ ճարտարապետների այս մրցույթի ժյուրիի կազմում յուրաքանչյուր տարի մասնակցում են ոլորտի առաջատար մասնագետներից: